香港意外傷亡賠償

法律服務中心

 

如果可以證實係因為有人疏忽而引致意外，咁你就可以向佢追討賠償。被告人可以係對方汽車嘅司機，又或者係自己汽車嘅司機等等。

喺絕大多數情況下，你朋友都會有買汽車第三者保險，所以名義上雖然係告你朋友，但實際上會係向保險公司索取賠償。你可以委任自己律師告你朋友，而保險公司就會委派律師代表你朋友處理賠償事宜。

因為嗰個法庭處理嘅係交通案件，即係由政府告市民。如果你要爭取金錢賠償，就要喺民事法庭嗰度追討，即係由市民告市民。不過呢類索償案件，喺出告票之前必需要有一個談判嘅過程，所以律師會先同你談判，談判破裂之後先至會出告票。

如果你搵律師搞，佢哋會幫你寫信去差館，索取果單交通意外嘅所有資料，包括有關證人嘅口供、對方保險公司嘅資料等等。如果警方有告果個疏忽嘅司機，仲可以幫你向法庭攞到有關果單交通案件嘅定罪資料，以便進行民事索償。所以如果喺交通意外中受咗傷，最緊要報警。

嗰啲公證行有可能係由對方保險公司指派，佢哋保障嘅係保險公司嘅利益，而唔係你嘅利益，好可能俾少少錢就想打發你走，所以你應該諮詢自己嘅律師。

其實你可以考慮再申請「普通法賠償」，僱主或者僱主嘅保險公司要就着你因為受傷而產生嘅痛楚同埋以後生活嘅諸多不便等作進一步賠償，好多工友都唔知有呢樣嘢，其實呢個金額可以好大㗎，不妨問吓律師意見。

咁就有可能牽涉複雜嘅法律爭拗，最好搵律師處理啦。

有㗎，如果係追討交通意外疏忽賠償，同埋工傷「普通法賠償」，時限係三年，而僱員補償賠償就係兩年，過咗時就冇得賠㗎啦，有疑問一定要問律師！

呢個世界邊有咁大隻蛤乸隨街跳？打官司係唔可以不成功不收費，會犯法㗎，佢哋仲會瓜分你嘅賠償，佢哋為咗盡快收錢，又點會幫你花時間去爭取最大利益？到時攞到嘅賠償少咗，又要分一份俾人，真係得不償失，所以最好正正經經搵律師處理。

有D不法份子扮鬼扮馬𠱁你落搭，你自己醒爬啦。

你可以搵我哋傾下，做個簡單嘅初步免費諮詢，我哋會因應你嘅情況，建議你各種可行嘅方法，例如申請法律援助，申請政府嘅交通意外傷亡援助基金，又或者安排一個你可以接受嘅付款計劃等等。點樣都好，總好過周街搵埋啲唔知乜嘢人去處理。仲有啊，律師如果幫你爭取到賠償，絕大多數情況下，對方保險公司係會俾埋你嘅律師費㗎，所以費用係唔會喺你嘅賠償入邊瓜分出嚟。